Lifun

Hljómsveitin Lifun var stofnuð snemma árs 2008 af Björgvini Ívari og Haraldi Leví. Hún hefur síðan vakið mikla athygli fyrir sitt skemmtilega dægurlagapopp.
Lagið Hörku djöfuls fanta ást eftir Björgvin Ívar með texta Bjartmars Guðlaugssonar var fyrsta lagið sem Lifun sendi frá sér og vakti það verðskuldaða athygli sumarið 2008.
Snemma árs 2009 sendi Lifun svo frá sér nýtt lag. Rúnar Júlíusson lagði sjálfur til við sonarson sinn, Björgvin Ívar, að Lifun myndi taka upp lagið Fögur fyrirheit eftir sig í nýrri útgáfu. Lifun æfði lagið í upptökuheimili Geimsteins og Rúnar lagði blessun sína á það. Hljómsveitin lét hins vegar ekki af því að hljóðrita lagið fyrr en í byrjun árs 2009 eftir að Rúnar hafði kvatt jarðvist svo óvænt.
2. maí minntist svo landslið tónlistarmanna Rúnars með stórtónleikum í Laugardalshöllinni og tók Lifun að sjálfsögðu þátt í því og flutti lagið Fögur fyrirheit við mjög góðar undirtektir.
Fyrsta breiðskífa Lifun, Hörku djöfuls fanta ást, kemur út í september 2010